ព័ត៌មានជាតិ
រដ្ឋមន្ត្រីក្រសួងកសិកម្ម ប្រាប់ចៅហ្វាយខេត្តជាប់មាត់សមុទ្រ ឲ្យទប់ស្កាត់បន្ទាន់ ការរំលោភកាន់កាប់ដីព្រៃកោងកាង
ភ្នំពេញ៖រដ្ឋមន្ត្រីក្រសួងកសិកម្ម នៅថ្ងៃទី១៩ វិច្ឆិកា បានប្រកាស់ប្រាប់ចៅហ្វាយខេត្តចំនួន៤ ដែលនៅជាប់មាត់សមុទ្រ មានខេត្ត ៖ ព្រះសីហនុ , កោះកុង , កំពត និងកែប ឲ្យចាត់វិធានការទប់ស្កាត់ជាបន្ទាន់ រាល់សកម្មភាពរំលោភបំពានកាន់កាប់ដីព្រៃកោងកាង ។
លោក វេង សាខុន បានលើកឡើងនៅក្នុងលិខិតមួយថា ឥឡូវនេះនៅក្នុងភូមិសាស្ដ្រខេត្តកែប កំពត ព្រះសីហនុ និងខេត្តកោះកុង កំពុងមានការឈូសឆាយ ការកាប់ទន្ទ្រាន ការចាក់ដីលុប ការរានយកធ្វើលំនៅឋាន ការហ៊ុមព័ន្ធដីព្រៃកោងកាងទុកជាកម្មសិទ្ធិ និងចេញប័ណ្ណកម្មសិទ្ធិឡើងវិញគួរឲ្យកត់សម្គាល់ ពិសេសក្នុងខេត្តព្រះសីហនុ ។ ដូច្នេះ ដើម្បីទប់ស្កាត់នូវសកម្មភាព នៃការឈូសឆាយ ការកាប់ទន្ទ្រាន ការចាក់ដីលុប ការរានយកដីធ្វើលំនៅឋាន ការហ៊ុមព័ទ្ធដីព្រៃកោងកាងទុកជាកម្មសិទ្ធិ និងការចេញប័ណ្ណកម្មសិទ្ធិនេះ ក្រសួងកសិកម្ម រុក្ខាប្រមាញ់ និងនេសាទ ស្នើឯកឧត្តម លោកជំទាវ អភិបាល នៃគណៈអភិបាលខេត្ត យកចិត្តទុកដាក់គ្រប់គ្រង ថែរក្សា និងការពារព្រៃកោងកាង ដែលស្ថិតក្នុងដែនសមត្ថកិច្ចខេត្តនីមួយៗ ក្នុងនាមជាអាជ្ញាធរគ្រប់គ្រងដីរដ្ឋ ។
ជាមួយគ្នារដ្ឋមន្ត្រីរួបនេះក៍បានលើកមកបញ្ជាក់ផងដែរថា តាមច្បាប់ស្ដីពីជលផល ព្រៃលិចទឹក និងព្រៃកោងកាង មានតួនាទីយ៉ាងសំខាន់ណាស់ក្នុងវិស័យជលផល ៕ PLK
