ពីនេះពីនោះ
បើអឺរ៉ុប ដកEBA តើមានផលប៉ះពាល់អ្វីខ្លះសម្រាប់សេដ្ឋកិច្ចកម្ពុជា ?
ការអនុវត្តន៍គោលការប្រជាធិបតេយ្យនៅកម្ពុជា គឺជាការចង់បានតែមួយគត់សម្រាប់សហគមន៍អន្តរជាតិ ។ បើទោះបីជាក្រោយកិច្ចព្រមព្រៀងសន្តិភាពទីក្រុងប៉ារីសថ្ងៃ២៣តុលា ឆ្នាំ ១៩៩១ ដំណើការលិទ្ធិប្រជាធិបតេយ្យនៅក្នុងប្រទេសដ៍ក្រីក្រមួយនេះ ត្រូវបានគេឃើញស្ថិតក្នុងសភាពរដឹបរដុបក្ដី ប៉ុន្តែការសម្រេចរំលាយចោលបក្សប្រឆាំងដែលមានសម្លេងប្រកៀកប្រកិត នឹងបក្សកាន់អំណាច កាលពីថ្ងៃទី១៦ ខែ វិច្ឆិកា ឆ្នាំ ២០១៧ ត្រូវបានគេកត់សម្គាល់ថា គឺជាការបញ្ចប់ទាំងស្រុង នូវលទ្ធិប្រជាធិបតេយ្យនៅកម្ពុជា ។
ផ្ដើមចេញពីនេះ អង្គការសង្គមស៊ីវិល រួមទាំងប្រព័ន្ធផ្សព្វផ្សាយដ៍ទៃទៀតដែលមិនគាំទ្ររបបក្រុងភ្នំពេញ នៃលោកនាយរដ្ឋមន្ត្រី ហ៊ុន សែន ត្រូវបានគេរកលេសបណ្ដេញចេញពីកម្ពុជា ។ នៅចំពោះមុខសភាពការណ៍បែបនេះ សហគមន៍អន្តរជាតិដែលនាំមុខដោយអាមេរិក និងអឺរ៉ុប ជាញយដងបានព្យាយាមធ្វើការសម្របសម្រួលឲ្យមានការត្រូវរ៉ូវគ្នារវាងគណបក្សដែលជាគូបដិបក្ខ គឺគណបក្សប្រជាជនកម្ពុជា និងគណបក្សសង្គ្រោះជាតិ ក្នុងគោលដៅបន្តយន្តការប្រជាធិបតេយ្យឡើងវិញ ។ តែជាលទ្ធផលមិនអាចទៅរួចឡើយ ។
ផ្ទុយទៅវិញអ្វីដែលជាការចំអកដ៍អាក្រក់នោះ លោកនាយករដ្ឋមន្ត្រី ហ៊ុន សែន បានបើកការវាយប្រហារយ៉ាងចាស់ដៃ ពីអ្វីដែលលោកហៅថា អធិបតេយ្យភាព។ លោក ហ៊ុន សែន បានចោទសហរដ្ឋអាមេរិក និងអង្គការសង្គមស៊ីវិលមួយចំនួនថា បានជ្រៀតជ្រែក និងរំលោភអធិបតេយ្យភាពកម្ពុជា ហើយបានងាកទៅអួតសរសើរចិន យ៉ាងកប់ៗមាត់ បើទោះបីគេដឹងថា ប្រទេសនេះ មានប្រវត្តិជាប់ពាក់ព័ន្ធក្នុងការកាប់សម្លាប់ប្រជាជនកម្ពុជាយ៉ាងឃោរឃៅ និងការបំពារបំពានសិទ្ធិមនុស្សដ៍អាក្រក់ក្ដី ។
បើស្រាអញ្ជើញមិនចង់ ពេលនេះកម្ពុជាទទួលស្រាពិន័យហើយ , នោះគឺការព្រមានផ្ដាច់ប្រព័ន្ធអនុគ្រោះពន្ធ (EBA) ដោយសហគមន៍អឺរ៉ុប ។ តើការដក EBA មានផលប៉ះពាល់យ៉ាងម៉េចខ្លះសម្រាប់កម្ពុជា ?
ស្ទើរតែ៨០% នៃចំណូលសរុបរបស់កម្ពុជា គឺបានមកពីវិស័យកាត់ដេរ និងស្បែកជើង ហើយទីផ្សារធំរបស់ផលិតផលទាំងនេះ គឺអាមេរិក និងសហគមន៍អឺរ៉ុប ។ ពួកអ្នកវិនិយោគភាគច្រើនដែលគេដាក់ទុនវិនិយោគនៅកម្ពុជា គឺគេសម្លឹងឃើញប្រពន្ធអនុគ្រោះពន្ធឬ (EBA) នេះឯង ។ ខណៈប្រព័ន្ធអនុគ្រោះពន្ធដែលអឺរ៉ុបបានផ្ដល់មកឲ្យកម្ពុជាតាំងតែពីឆ្នាំ ២០១២ មកនោះបាន ឲ្យកម្ពុជារួចផុតពីកាតព្វកិច្ចពន្ធជិត ៧រយលានដុល្លារក្នុងមួយឆ្នាំៗ ។ បើប្រពន្ធអនុគ្រោះពន្ធត្រូវបានផ្ដាច់នោះ ចង់មិនចង់ពួកគេនឹងចែកជើងគ្នាទៅកាន់ប្រទេសដ៍ទៃដែលមានលក្ខណល្អៗជាក់ជាមិនខាន ។
ក្នុងស្ថានភាពបែបនេះ ប្រាកដណាស់ថាវិបត្តិសង្គម នឹងផ្ទុះឡើងដោយសារតែភាពគ្មានការងារធ្វើ គ្មានចំណូល ។ ចំណែកធនធានធម្មជាតិ ដូចជាព្រៃឈើ រ៉ែ ជាដើមក៍មិនអាចទាញយកមកដោះស្រាយសម្រាប់ភាពទ័លច្រកនេះបានដែរ ព្រោះវាបានអន្តរាយយូរណាស់មកហើយដោយសារអំពើពុករលួយ ។ ប៉ុន្តែយ៉ាងណាក៍ដោយក្នុងបរិបទបែបនេះ គេនៅតែចាំមើលថា តើសម្ដេចនាយករដ្ឋមន្ត្រី នៃកម្ពុជា អាចរស់ជាមួយទស្សនអាត្មានិយម អ្នកណាងាប់ៗទៅ ឲ្យតែ ហ៊ុន សែន រស់ដូចពីមុនទៀតដោយរបៀបណា ? ៕ ដោយ៖ កែវ វិទូរ្យ