អន្តរជាតិ
លោក មាជ សុវណ្ណារ៉ា នឹងត្រូវដោះលែងនៅយប់នេះ
មន្ត្រីតុលាការក្រុងភ្នំពេញបានឲ្យដឹងថា អយ្យការអមសាលាដំបូងរាជធានីភ្នំពេញបានទទួលលិខិតលើកលែងទោសរបស់ព្រះមហាក្សត្រ ដែលបានលើកលែងទោសដល់លោក មាជ សុវណ្ណារ៉ា អតីតសកម្មជនគណបក្សសង្គ្រោះនោះហើយ ហើយពេលនេះតុលាការកំពុងធ្វើដីកាដោះលែង ពោលគឺពួកគេនឹងត្រូវដោះលែងចេញពីពន្ធនាគារនៅយប់នេះតែម្តង បន្ទាប់ពីរៀបចំបែបបទតាមនីតិវិធីរួច។
សូមបញ្ជាក់ថា លោក មាជ សុណ្ណារ៉ា ត្រូវបានសមត្ថកិច្ចចាប់ខ្លួនក្រោមបទចោទថា ជាអ្នកដឹកនាំកុប្បកម្ម និងបង្កឲ្យមានហិង្សានៅក្បែរស្ពាននាគ ជិតទីលានប្រជាធិបតេយ្យ កាលពីថ្ងៃទី១៥ កក្កដា ២០១៤។ ជាមួយគ្នានេះ នៅមានសកម្មជនគណបក្ស ១០នាក់ផ្សេងទៀត ក៏ត្រូវបានចាប់ខ្លួនពាក់ព័ន្ធនឹងសំណុំរឿងដូចគ្នានេះដែរក្នុងថ្ងៃបន្តបន្ទាប់៕
