អន្តរជាតិ
អគ្គមេបញ្ជាការស្តីទី លោក សៅ សុខា ប្រគល់ភារកិច្ចជូនលោក ហ៊ុន ម៉ាណែត
នាយឧត្តមសេនីយ៍ សៅ សុខា អគ្គមេបញ្ជាការស្តីទីនៃកងយោធពលខេមរភូមិន្ទ បានប្រគល់ភារកិច្ចជូនលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នាយស្តីទីសេនាធិការចម្រុះ ដើម្បីដឹកនាំ បញ្ជា និងដោះស្រាយរាល់ការងារប្រចាំថ្ងៃរបស់អគ្គបញ្ជាការដ្ឋាន។ នេះបើតាមលិខិតប្រគល់ភារកិច្ចចុះហត្ថលេខាដោយលោក សៅ សុខា កាលពីថ្ងៃទី២៤ ខែសីហា ឆ្នាំ២០១៨។
ក្នុងលិខិតនេះបញ្ជាក់ថា ការប្រគល់ភារកិច្ចខាងលើនេះ គឺដោយសារតែនាយឧត្តមសេនីយ៍ សៅ សុខា ត្រូវអវត្តមានពីការងារ ដោយលោកទទួលបានច្បាប់ឈប់សម្រាករយៈពេល៣ថ្ងៃ ចាប់ពីថ្ងៃទី២៦ ដល់ថ្ងៃទី ២៨ ខែសីហា ឆ្នាំ២០១៨ ដើម្បីទៅពិនិត្យសុខភាពនៅប្រទេសសិង្ហបុរី៕
