អន្តរជាតិ
សហរដ្ឋអាមេរិកគ្រោងនឹងធ្វើទំនើបកម្មលើអាវុធធុនធ្ងន់បំពាក់លើនាវាពិឃាតរបស់ខ្លួន ដើម្បីបំភ័យរុស្ស៊ី
សារព័ត៌មាន Defense News បានផ្សាយថា ដោយប្រឈមទៅនឹងគ្រាប់មីស៊ីលល្បឿនលឿនមិនធ្លាប់មានពីសំណាក់រុស្ស៊ី និងចិន កងទ័ពជើងទឹកសហរដ្ឋអាមេរិកកំពុងបោះជំហានទៅមុខជាមួយការធ្វើទំនើបកម្មដ៏ធំធេងដល់កងនាវាពិឃាតអាឡេបឺកដ៏ខ្លាំងរបស់ខ្លួន។
សេវាកម្មនៃកងកម្លាំងសហរដ្ឋអាមេរិកគ្រោងនឹងទិញនូវរ៉ាដាការពារមីស៊ីល SPY-6 និងរ៉ាដាការពារមីស៊ីលរបស់ក្រុមហ៊ុនរ៉េឌីអន (Raytheon) ដើម្បីជំនួសឲ្យកាំរស្មី SPY-1D នៅលើនាវាពិឃាត Flight IIA ដែលស្ថិតក្នុងប្រភេទអាឡេបឺក។ នេះបើតាមសារព័ត៌មាន Defense News។ ការធ្វើទំនើបកម្មនេះនឹងជួយពង្រឹងដល់ចំណុចខ្វះខាត និងភាពជឿនលឿនរបស់នាវា Flight IIA Burkes។
ការធ្វើទំនើបកម្មដល់គ្រាប់មីស៊ីលនៅលើនាវាចម្បាំងបែបនេះ ទំនងជាបង្កនូវក្តីព្រួយបារម្ភអំពីការសាយភាយគ្រាប់មីស៊ីលប្រឆាំងនាវាចម្បាំង។
នៅក្នុងសេចក្តីថ្លែងការណ៍មួយ កងទ័ពជើងទឹកសហរដ្ឋអាមេរិកបានទទួលស្គាល់ថា ខ្លួនកំពុងតែបន្តធ្វើទំនើបកម្មលើប្រព័ន្ធ SPY-6 ជាផ្នែកមួយនៃកញ្ចប់ថវិការឆ្នាំ ២០២០។
បន្ថែមលើសនេះ កងទ័ពជើងទឹកមានបំណងធ្វើទំនើបកម្មនូវនាវា DDGs ទាំងអស់របស់ខ្លួនឲ្យទៅជាប្រព័ន្ធនាវា Aegis Baseline 9 ឬមានសមត្ថភាពគ្រាប់មីស៊ីលប៉ាឡេស្ទីកខ្ពស់ជាងនេះក្នុងរយៈពេល ៤០ឆ្នាំ៕
