សេដ្ឋកិច្ច
ក្រុមហ៊ុនGeopacific អូស្ត្រាលីរកឃើញកំណប់រ៉ែមាសមហាសាលក្នុងខេត្តព្រះវិហារ ខណៈក្រុមហ៊ុនចិនមួយកំពុងធ្វើអាជីវកម្ម ដោយគ្មានការត្រួតពិនិត្យ ជិត១០ឆ្នាំហើយ
ខេត្តព្រះវិហារ៖ ក្រុមហ៊ុនរុករករ៉ែ Geopacific Resources ដែលមានមូលដ្ឋាននៅប្រទេសអូស្ដ្រាលី មានអាជ្ញាប័ណ្ណក្នុងការរុករករ៉ែនៅភាគខាងជើងនៃប្រទេសកម្ពុជា ស្ថិតក្នុងគម្រោងឈ្មោះថា Kou Sa កាលពីពេលថ្មីៗនេះ ពួកគេបានរកឃើញកំណប់រ៉ែមាស និងស្ពាន់ ជាលើកទីពីរនៅឆ្នាំនេះ បន្ទាប់ពីការរកឃើញផ្សេងទៀតត្រូវបានប្រកាសកាលពីខែមករា។
អ្នកលេងបណ្តាញសង្គមបានបញ្ជាក់ថា ក្រុមហ៊ុនមួយនេះបានរកឃើញកំណប់រ៉ែមាស និងស្ពាន់ ជាលើកទីពីរហើយ បន្ទាប់ពីការរកឃើញកាលពីខែមករា ហើយ រ៉ែមាស និងស្ពាន់ ដែលរកឃើញនេះ ស្ថិតក្នុងអណ្ដូងរ៉ែជម្រៅរាក់ ដែលមានកម្រិតរ៉ែយ៉ាងច្រើន ដោយស្ថិតនៅការដ្ឋានអណ្ដូងរ៉ែ១១៨ ដែលជាអណ្ដូងមួយដែលទើបតែជីក ហើយគេរំពឹងថានឹងអាចរកឃើញកាន់តែច្រើនបន្ថែមទៀត ប្រសិនបើប្រើគ្រឿងចក្រខួងរយៈជម្រៅជ្រៅ ហើយក្បាលដ៏ធំរបស់អណ្ដូងរ៉ែមាសនៅខេត្តរបស់កម្ពុជាមួយនេះត្រូវបានគេគិតថាអាចនឹងនៅក្បែរៗអណ្ដូងលេខ១១៨តែម្តង។
មហាជនជាច្រើនក៏បានឆ្ងល់ឡើងពីផល ប្រយោជន៍ដែលកម្ពុជាទទួលបានពីការរកឃើញនេះ ខណៈពេលលដែលពុំទាន់មានការចេញមុខមកបកស្រាយនៅឡើយទេពីក្រសួងរ៉ែនិងថាមពល ជុំវិញការមន្ទិលមួយនេះ។
ប្រជាពលរដ្ជដែលរស់នៅចំណុចភ្នំលុង ក្នុងស្រុករវៀង ខេត្តព្រះវិហារ លើកឡើងថា សព្វថ្ងៃមានក្រុមហ៊ុនចិនមួយឈ្មោះkhendol បានធ្វើអាជីវកម្មរ៉ែមាស ៨ឆ្នាំមកហើយ ដោយមានកម្លាំងប្រដាប់អាវុធយាមកាមការពារយ៉ាងតឹងតែងមិនអនុញ្ញាតឲ្យអ្នកណាចូលបានឡើយ សូម្បីតែមន្ត្រីស្ថាប័នជំនាញក៏ដោយ លុះត្រាតែមានការអនុញ្ញាតពីលោកផ្កាយបួនម្នាក់ទើបអាចចូលបាន ហើយចិនជាអ្នកនាំផ្លូវ មិនចេះតែចូលត្រួតពិនិត្យតាមជំនាញចង់ដឹងនោះទេ។
បើតាមការលួចប្រាប់ឲ្យដឹង ពីសំណាក់មន្ត្រីយោធាម្នាក់ដែលយាមកាមនៅក្នុងក្រុមហ៊ុនចិននេះ សុំមិនបញ្ចេញឈ្មោះបានឲ្យដឹងថា ចិនបានចំណាយលុយយ៉ាងសម្បើមក្នុងការរឹបន្តឹងសន្តិសុខព្រោះខ្លាចបែកការ។មន្រ្តីយោធារូបនេះបន្តថា ចិនមានអាជ្ញាប័ណ្ណអាជីវកម្មពីក្រសួងរ៉ែនងថាពលរហូតដល់ឆ្នាំ២០២៧ ហើយអ្នកជំនាញសុទ្ធតែជាេះនជិតចិន។
មន្ត្រីយោធារូបនេះទំលាយថា ក្នុងមួយថ្ងៃក្រុមហ៊ុនkhendol របស់ចិន អាចចម្រាញ់មាសសុទ្ធបានពី១៣ទៅ១៥គីឡូក្រាម ដែលតួលេខនេះត្រូវបានក្រុមហ៊ុនមួយនេះបិទបាំង មិនបង្ហាញរបាយការណ៍ពិតដល់ក្រសួងរ៉ែនិងថាមពលឡើយ ដើម្បីកេងបន្លំលុយពន្ធចំណូលជាតិ៕
