សេដ្ឋកិច្ច
ការនាំចេញអង្កររបស់កម្ពុជា រយៈពេល១០ខែនេះ ធ្លាក់ចុះ
ភ្នំពេញ៖ការនាំចេញអង្កររបស់កម្ពុជាសម្រាប់រយៈពេល១០ខែ( មករា-តុលា) ឆ្នាំ ២០១៨ នេះ ធ្លាក់ចុះ១៣.២០% បើធៀបទៅនឹងរយៈពេលដូចគ្នា កាលពីឆ្នាំ ២០១៧ កន្លងទៅ ។ នេះបើយោងតាមរបាយដែលចេញដោយលេខាធិការដ្ឋានច្រកចេញចូលតែមួយ សម្រាប់បំពេញបែបបទនាំចេញអង្ករ ដែលត្រូវបានគេផ្សព្វផ្សាយជាសាធារណៈនាថ្ងៃទី១៣ វិច្ឆិកា ឆ្នាំ ២០១៨ នេះ ។
ផ្អែកតាមរបាយការណ៍ឲ្យដឹងថា នៅរយៈពេល១០ខែ (មករា ដល់ តុលា) ឆ្នាំ២០១៨នេះ កម្ពុជាបាននាំចេញអង្ករបាន ៤៣៤,៨០៧តោន ធ្លាក់ចុះ១៣.២០ភាគរយ បើធៀបនឹងរយៈពេលដូចគ្នាឆ្នាំ២០១៧ ដែលមានចំនួន ៤៩២,១១៥តោន។
ប្រទេសដែលនាំចូលអង្ករពីកម្ពុជាច្រើនជាងគេមាន ៖
១៖ ប្រទេសចិន ចំនួនជាង១១ម៉ឺនតោន។
២៖ ប្រទេសបារាំង ចំនួនជាង៦ម៉ឺនតោន។
៣៖ ប្រទេសម៉ាឡេស៊ី ចំនួនជាង៣ម៉ឺនតោន។
សូមបញ្ជាក់ថា កាលពីឆ្នាំ២០១៧ កម្ពុជាបាននាំចេញអង្ករទៅកាន់ទីផ្សារបរទេស បានជាង៦៣ម៉ឺនតោន។ ប្រទេសដែលទិញអង្ករពីកម្ពុជាច្រើនជាងគេ គឺប្រទេសចិន ។ ចិនបានផ្តល់កូតានាំចេញអង្ករឲ្យកម្ពុជាចំនួន ៣០ម៉ឺនតោនក្នុងមួយឆ្នាំ៕ plk
