ក្រុមហ៊ុន Naga Corp រកឃើញអ្នកស្នងតំណែង ក្រោយលោក Chen Lip Keong បានបាត់បង់ជីវិត

ថ្មីៗនេះ មហាសេដ្ឋីកាស៊ីណូ លោក Chen Lip Keong ដែលជាស្ថាបនិក ម្ចាស់ភាគហ៊ុនធំ និងជានាយកប្រតិបត្តិជាន់ខ្ពស់របស់ NagaCorp Ltd បានទទួលមរណភាពក្នុងអាយុ៧៥ឆ្នាំ។

មហាសេដ្ឋីជនជាតិម៉ាឡេសុីរូបនេះ បានទទួលមរណភាព នៅសហរដ្ឋអាមេរិក ដោយមូលហេតុនៃការស្លាប់មិនត្រូវបានឱ្យដឹងនោះទេ ដោយគេដឹងត្រឹមថា១០ឆ្នាំចុងក្រោយនេះ លោក Chen Lip Keong មានជំងឺលើសឈាម និងមានបញ្ហាបេះដូងធ្ងន់ធ្ងរ។

ក្រោយពីមរណភាពនេះសមាជិកក្រុមប្រឹក្សាភិបាល NagaCorp Ltd បានតែងតាំងលោក Chen Yiy Fon ជាកូនប្រុសមួយរូប ក្នុងចំណោមកូនប្រុងទាំងបីរបស់លោកChen Lip Keong ឱ្យឡើងកាន់តំណែង ចាប់ពីថ្ងៃទី១០ ខែធ្នូ ឆ្នាំ២០២៣តទៅ។

គួរបញ្ជាក់ផងដែរថា លោក Chen Lip Keong ឈរនៅលេខរៀងទី៥០ នៅក្នុងបញ្ជីឈ្មោះអ្នកមានរបស់ពិភពលោក ក្នុងឆ្នាំ២០២៣ និងជាអ្នកមានជាប់លេខ៧ ក្នុងប្រទេសម៉ាឡេស៊ី ដោយមានទ្រព្យសម្បត្តិសរុប ២.៨ពាន់លានដុល្លារ៕