សេដ្ឋកិច្ច
អ្នកជិះរថយន្តក្រុង និងកាណូតរបស់រដ្ឋបាលរាជធានី អាចទូទាត់ប្រាក់តាមប្រព័ន្ធអេឡិចត្រូនិច
រដ្ឋបាលរាជធានីភ្នំពេញ កាលពីថ្ងៃទី២៣ ខែសីហា ២០១៨ ម្សិលមិញ បានចុះហត្ថលេខាលើអនុស្សរណៈនៃការយោគយល់គ្នារវាងរដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានីភ្នំពេញ ( City Bus ) និងធនាគារ អេស៊ីលីដា ភិអិលស៊ី ស្ដីពីការប្រើប្រាស់សេវាអេស៊ីលីដាយូនិធីទាន់ចិត្ត ( QR Code ) សម្រាប់ប្រតិបត្តិការបង់កម្រៃសេវាដឹកជញ្ជូនសាធារណៈរថយន្តក្រុង និងកាណូត។
ការអនុស្សរណៈនៃការយោគយល់គ្នានេះ ដើម្បីបង្កលក្ខណៈងាយស្រួលជូនដល់ប្រជាពលរដ្ឋ ដែលជាអ្នកនិយមធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញក្នុងការប្រើប្រាស់សេវាទូទាត់ជាសាច់ប្រាក់តាមប្រព័ន្ធអេឡិចត្រូនិកវិញ៕