ព័ត៌មានជាតិ
បង្ក្រាបទីតាំងក្លឹបMAIAMI ឃាត់ខ្លួនស្រីប្រុស៥៧នាក់ មានចិន១៤នាក់ពាក់ព័ន្ធគ្រឿងញៀន
កម្លាំងនគរបាលរាជធានីភ្នំពេញ ដឹកនាំដោយលោកឯកឧត្តម ឧមត្តមសេនីយ៍ ស ថេត ស្នងការនគរបាលរាជធានី បានដឹកនាំកម្លាំងបេីកប្រតិបត្តិការចុះបង្ក្រាបស្ងាត់ៗទាំងយប់អធ្រាត្រទីតាំងក្លឹបកម្សាន្តយីហោ “ម៉ៃអាមី MAIAMI” កាលពីវេលាម៉ោង០២ទាបភ្លឺ ឈានចូលថ្ងៃព្រហស្បត្តិ៍ ទី១១ ខែមេសា ឆ្នាំ២០១៩នេះ នៅតាមបណ្តោយផ្លូវ៣៦០ (ទល់មុខស្ថានីយ៍ទូរទស្សន៍អប្សរា) ស្ថិតក្នុងសង្កាត់បឹងកេងកងទី១ ខណ្ឌចំការមន ភ្នំពេញ។
ដោយឡោមព័ទ្ធបិទផ្លូវចេញចូល (មិនអនុញ្ញាតឲ្យបុគ្គលណាម្នាក់ចេញ ឬចូលបានឡេីយ ក្នុងអំឡុងពេលបេីកប្រតិបត្តិការនេះ) ជាក់ស្ដែងឃាត់ខ្លួនជនប្រុសស្រី ពាក់ព័ន្ធគ្រឿងញៀន ៥៧នាក់ ក្នុងនោះមានជនជាតិចិន១៤នាក់ រកឃេីញគ្រឿងញៀនជាច្រេីនផងដែរ។
គួររម្លឹកដែរថា ទីតាំងក្លឹបខាងលេីនេះ ត្រូវបានកម្លាំងអាជ្ញាធររាជធានីភ្នំពេញ និងអាជ្ញាធរខណ្ឌចំការមន បានចុះមកធ្វេីការហាមឃាត់ចំនួន ៣ដងមកហេីយ ថែមទាំងបិតលែងឲ្យដំណេីរការទៀតផង តែមិនបានប៉ុន្មាន ស្រាប់តែឃេីញបេីកដំណេីរការវិញ ដោយមិនទាន់ដឹងពីមូលហេតុ។ រហូតមកដល់យប់រំលងអាធ្រាត្រឈានចូលថ្ងៃទី១១ ខែមេសា ឆ្នាំ២០១៩នេះ ទេីបកម្លាំងស្នងការនគរបាលរាជធានីភ្នំពេញ ដឹកនាំដោយឯកឧត្តម ឧត្តមសេនីយ៍ឯក ស ថេត ស្នងការរាជធានីភ្នំពេញ ចុះបង្ក្រាបនិងឃាត់ខ្លួនជាច្រេីននាក់ រួមទាំងថ្នាំញៀនជាច្រេីនផងដែរ។
បេីតាមការបង្ហេីបពីសមត្ថកិច្ចបានឲ្យដឹងជាជំហានដំបូងថា ក្នុងការបង្ក្រាបទីតាំងខាងលេីនេះឃាត់មនុស្សប្រុសស្រីជាង៣០នាក់ (ចំណែកឯវត្ថុតាងផ្សេងៗ មិនទាន់ទទួលបានតួលេខច្បាស់លាស់នៅឡេីយ)។ ពាក់ព័ន្ធនិងករណីខាងលេីនេះ កម្លាំងសមត្ថកិច្ចមិនអនុញ្ញាតអោយក្រុុមអ្នកសារព័ត៌មាន ចូលនោះទេ។បច្ចុប្បន្នជនប្រុសស្រីខាងលេីត្រូវបានឃាត់ខ្លួន នាំឡេីងលេីរថយន្ត កាម៉ាស ដឹកបញ្ជូនទៅស្នងការនគរបាលរាជធានីធានីភ្នំពេញ ដេីម្បីសាកសួរ និងត្រួតពិនិត្យបន្តតាមនិតីវិធី៕