ព័ត៌មានជាតិ
រកឃើញ ជនជាតិចិនបើកហាងម៉ាស្សា យកនារីខ្មែរមិនគ្រប់អាយុ បម្រើសេវាផ្លូវភេទជាង២០កន្លែង នៅប៉ោយប៉ែត
ទំនាក់ទំនងការផ្សាយៈ០៧១ ៧៨៨៨ ៣៤៥
ខេត្តបន្ទាយមានជ័យ ៖ ក្រុងប៉ោយប៉ែតមានហាងម៉ាស្សាជ្រកក្រោមស្លាកស៊ីណូបើករកស៊ីបម្រើសេវាផ្លូវភេទឲ្យជនបរទេស ដោយមានក្មេងស្រីអនិតិជនភាគច្រើនប្រមាណជាង២០កន្លែង ហើយថៅកែជាជនជាតិចិន និងឥណ្ឌូនេស៊ី ដែលមិនសហការជាមួយមន្ត្រីជំនាញ ។
មន្ត្រីជំនាញម្នាក់បានបង្ហើបប្រាប់ព័ត៌មានក្នុងស្រុកថា នៅក្រុងប៉ោយប៉ែតមានកន្លែងម៉ាស្សាដែលលួចលាក់ប្រកបក់ប្រកបមុខរបរបម្រើសេវាផ្លូវភេទសម្រាប់ភ្ញៀវបរទេសប្រមាណជាង២០កន្លែង ដែលកំពុងជ្រកក្រោមផ្លាកសញ្ញាកាស៊ីណូក្រុងប៉ោយប៉ែត ។
មន្ត្រីរូបនោះបានបញ្ជាក់ថា កន្លែងម៉ាស្សាដែលលួចលាក់បើកសេវាផ្លូវភេទភាគច្រើនថៅកែជាជនជាតិចិន និងឥណ្ឌូនេស៊ី ហើយមួយកន្លែងមានស្រីម៉ាស្សាដែលលួចលាក់បម្រើផ្លូវភេទពី១០ទៅ២០នាក់ ដែលភាគច្រើនជាអនិតិជន មានអាយុ១៥ឆ្នាំក៏មានដែរ ។
ក្មេងស្រីដែលធ្វើការក្នុងហាងម៉ាស្សាលួចលាក់បម្រើសេវាផ្លូវភេទទាំងនោះ មួយចំនួនជនជាតិខ្មែរ ហើយភាគច្រើនជាងជនជាតិវៀតណាម ដែលរង់ចាំបម្រើសេវាផ្លូវភេទដល់ភ្ញៀវបរទេសជនជាតិចិន និងថៃ ដោយតម្លៃបម្រើសេវាក្នុងបន្ទប់ម៉ាស្សា១ម៉ោងតម្លៃ២.០០០បាត និងចេញមប្រើសេវាខាងក្រៅ១ម៉ោង៣.០០០បាត ។
ក្រុងប៉ោយបក្រុងប៉ោយប៉ែតដែលមានទីតាំងម៉ាស្សាលួចលាក់បម្រើសេវាផ្លូវភេទជាច្រើនកន្លែង ដែលថៅកែជនជាតិចិន និងនិងឥណ្ឌូនេស៊ីនោះ មន្ត្រីជំនាញបានបង្ហើបប្រាប់ថា ពិតជាពិបាកធ្វើការជាមួយណាស់ព្រោះ ថៅកែជនជាតិចិន និងឥណ្ឌូឥណ្ឌូនេស៊ីអាងជ្រកក្រោមស្លាកកាស៊ីណូ ដោយយកអំណាចក្រុមហ៊ុនកាស៊ីណូមិនចង់សហការមន្ត្រីជំនាញទេ ៕
