ព័ត៌មានជាតិ
ស្នងការរងខេត្តកណ្ដាលលោក ស្រេង សុខា ហ៊ានចាយលុយសរុបជិតកន្លះលានដុល្លារអា មេរិក សង្ស័យបានពីជំនួញគ្រឿងញៀន?
ទំនាក់ទំនងការផ្សាយៈ០៧១ ៧៨៨៨ ៣៤៥
ការការភ្ញាក់ផ្អើលមួយថ្មីទៀត បានផ្ដើមចេញពី លោកឧត្ដមសេនីយ៍ត្រី ស្រេង សុខា ស្នងការរងនគរបាលខេត្តកណ្ដាល បានភ្ជាប់ពាក្យជាមួយក្មេងស្រីដ៏ស្រស់ស្អាតម្នាក់ នៅក្នុងតំបន់អ្នកលឿង ត្រើយខាងកើត ដែលមានទីតាំងស្ថិតនៅក្នុងភូមិ(១) ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង កាលពីថ្ងៃទី២៤ ខែកុម្ភៈ ឆ្នាំ២០១៩ ម្សិលមិញនេះ ដោយការភ្ជាប់ពាក្យនេះ លោកបានស្នើឲ្យមន្ត្រីប៉ូលិសស្ទើរតែ១ស្រុកពាមរក៏មកការពារនៅក្នុងពិធីនេះផងដែរ។
ក្នុងនោះដែរ លោកស្នងការរងបានជូនថ្លៃទឹក ដោះចំនួន១០០.០០០ដុល្លារ(ដប់ម៉ឺនដុល្លារ) ព្រមទាំងរថយន្តលិចស៊ីស៥៧០ ដ៏ថ្មីសន្លាង១គ្រឿង ដែលមានតម្លៃដល់ទៅ២២០.០០០ដុល្លារ(ម្ភៃម៉ឺនដុល្លារ)ថែមទៀត។
គួររម្លឹកផងដែរថា កាលពីអំឡុងខែតុលា ឆ្នាំ២០១៨ កម្លាំងមន្ទីរប្រឆាំងគ្រឿងញៀនក្រសួងមហាផ្ទៃ ការិយាល័យក៨ សហការជាមួយកម្លាំងការិយាល័យប្រឆាំងគ្រឿងញៀនស្នងការខេត្តកណ្តាល និងកម្លាំងនគរបាលអធិការក្រុងតាខ្មៅ បានធ្វើការចុះបង្ក្រាបករណីជួញដូរគ្រឿងញៀននៅក្ននៅក្នុងផ្ទះសំណាក់របស់លោកស្នងការរងរូនេះ ដោយឃាត់ខ្លួនមនុស្សប្រុស/ស្រី ជាមុខសញ្ញាមេខ្លោងជួញដូរគ្រឿងញៀនជាច្រើននាក់ រួមនឹងថ្នាំញៀនជាច្រើន។ មិនបានប៉ុន្មានខែផង ស្ងាត់ៗ ស្រាប់តែ លោកស្នងការរងធ្វើឲ្យមហាជនភ្ញាក់ផ្អើល ដោយភ្ជាប់ពាក្យជាមួយក្មេងស្រីស្រស់ស្អាត ជាមួយនឹងការជូនថ្លៃទឹកដោះដូចការរៀងរាប់ខាងលើ បង្កការភ្ញាក់ផ្អើលអស់មហាជនទូទាំងខេត្តព្រៃវែង។
ពិធីភ្ជាប់ពាក្យ លោកឧត្ដមសេនីយ៍ត្រី ស្រេង សុខា ស្នងការរងនគរបាលខេត្តកណ្តាល បានធ្វើឲ្យមហាជន និងអ្នកជិតខាង បានលាន់មាត់ និងមានការភ្ញាក់ផ្អើលគ្រប់ៗគ្នាថា លោកស្នងការរងរូបនេះ អីក៏មានទ្រព្យសម្បត្តិច្រើន យ៉ាងនេះ ឬការភ្ជាប់ពាក្យនេះលោកចង់បង្ហាញមហាជនថា លោកជាអ្នកមានទ្រព្យ និងលុយ កាក់ច្រើន ជាងលោកស្នងការរងដទៃៗទៀតនៅកម្ពុជាមែនទេ?។
ក្រៅពីចង់បង្អួតមហាជនថា លោកហ៊ានចាយលុយនិងឡានតម្លៃសរុបជិតកន្លះលានដុល្លារជូនថ្លៃទឹកដោះដល់ស្ត្រីវ័យក្មេងដែលខ្លួនស្រលាញ់នោះ លោកស្នងការរងរូបនេះក៏ល្បីឈ្មោះខាងមានស្រីច្រើនផងដែរ ដោយថាស្រ្តីវ័យក្មេងរូបនេះគឺជាស្រ្តីទីបួនហើយ ដែលលោក ស្រេង សុខា ដណ្តឹងហើយរៀបការនិងបានលែងលះជាបន្តបន្ទាប់អស់បីនាក់ហើយដែរ។
បន្ថែមលើនេះ លោក ស្រេង សុខា នៅបានបង្អួតចិញ្ចៀនពេជ្រនិងខ្សែក្រវ៉ាត់មាសដាំពេជ្រតម្លៃរាប់សែនដុល្លារ ជាមួយឯកសណ្ឋាននគរ បាលជាតិ ខុសវិន័យច្បាប់ជាមន្ត្រីយុត្តិធម៌ទៀត ផង ហើយដែលទ្រព្យសម្បត្តិទាំងនេះត្រូវបានគេសង្ស័យថា បានពីរបរបើកផ្ទះសំណាក់ជួួញដូរគ្រឿងញៀនផងក៏ថាបាន ដែលអង្គភាពប្រឆាំងអំពើពុករលួយមិនគួរមើលរំលងឡើយ៕
