អន្តរជាតិ
ទូតអាមេរិក ស្នើឲ្យកម្ពុជាដោះលែងលោក កឹម សុខា និងទម្លាក់ចោលការរឹតត្បិតលើសង្គមស៊ីវិល
ភ្នំពេញ៖ឯកអគ្គរដ្ឋទូតសហរដ្ឋអាមេរិកលោក William A. Heidt កាលពីព្រឹកថ្ងៃទី២០ វិច្ឆិកា នេះ នៅក្នុងជំនួបមួយជាមួយលោក ហ៊ុន សែន បានស្នើឲ្យរដ្ឋាភិបាលកម្ពុជាដោះលែងលោក កឹម សុខា មេដឹកនាំគណបក្សប្រឆាំង និងទម្លាក់ចោលការរឹតត្បិតលើអង្គការសង្គមស៊ីវិល ។
ទូតអាមេរិកបានលើកឡើងនៅក្នុងសេចក្ដីប្រកាសព័ត៌មានរបស់ខ្លួន ភ្លាមៗបន្ទាប់ពីជំនួបនោះថា អាមេរិកលើកទឹកចិត្តឲ្យរដ្ឋាភិបាលកម្ពុជា បន្តកែលម្អចំណងទាក់ទងទ្វេភាគីដែលរួមមានការជម្រុញ ការផ្សះផ្សាជាតិ ការដោះលែងលោក កឹម សុខា និងអ្នកនយោបាយដទៃទៀត ហើយបន្ធូរបន្ថយការរឹតត្បិតលើសង្គមស៊ីវិល និងប្រព័ន្ធផ្សព្វផ្សាយ ។
យ៉ាងណាក៍ដោយលោកទូតមហាអំណាចមួយនេះ ក៍ទទួលស្គាល់ផងដែរ នូវជំហានវិជ្ជមានថ្មីៗ ដែលរួមមានការបន្តឡើងវិញ នូវកិច្ចសហប្រតិបត្តិការទាក់ទងនឹងឈ្លើយសឹក និងយុទ្ធជនបាត់ខ្លួនអាមេរិក ជាដើម ៕ ដោយ៖ សិលា ពល