លោក ហ៊ុន សែន ថា កំណើសេដ្ឋកិច្ចកម្ពុជា ធ្វើឲ្យអឺរ៉ុបដក EBA

សេចក្ដីថ្លែងនេះរបស់នាយករដ្ឋមន្ត្រីកម្ពុជា ត្រូវបានធ្វើឡើងខណៈជាញយដងសហគមន៍អឺរ៉ុប បានក្រើនរំឭកកម្ពុជាឲ្យងាកមអនុវត្តគោលការលទ្ធិប្រជាធិបតេយ្យ ក្រោយពីរដ្ឋាភិបាលលោក នាយករដ្ឋមន្ត្រី ហ៊ុន សែន បានរំលាយគណបក្សប្រឆាំង ដែលមានសម្លេងគាំទ្រប្រដំប្រសង នឹងខ្លួនកាលពីអំឡុងខែវិច្ឆិកា ឆ្នាំ ២០១៧ នោះ ។

យ៉ាងណាក៍ដោយ សមាគមរោងចក្រ កាត់ដេរនៅ កម្ពុជា (GMAC) ដែលផលិតផលរបស់ពួកគេភាគច្រើនបាននាំចេញ ទៅកាន់ទីផ្សារអឺរ៉ុបនោះ កាលពីពេលថ្មីៗនេះបានទទូចឲ្យលោកស្រី Cecilia Malmström ស្នងការពាណិជ្ជកម្ម គណៈកម្មការ អឺរ៉ុប ពិចារណាឲ្យបានខ្ពស់ ចំពោះគម្រោងដក ប្រព័ន្ធអនុគ្រោះ ពាណិជ្ជកម្ម (Everything But Arms- EBA) នេះ ។ ដែលជាអ្វីត្រូវបានគេមើលឃើញដូចគ្នាទៅនឹងប្រទេស វេណេហ្សូអេឡារបស់ប្រធានាធិបតី នីកូឡា ម៉ាដូរូ ដែលកំពុងតែត្រដរខ្យល់ខណៈដែលសហគមន៍អន្តរជាតិផ្ដាច់សរសៃឈាមសេដ្ឋកិច្ច ដោយសារតែប្រទេសនេះ អនុវត្តផ្ទុយខុសពីលទ្ធិប្រជាធិបតេយ្យនោះ ។

គួរបញ្ជាក់ថា EBA ឬ(Everything But Arms) ត្រូវបានសហគមន៍អឺរ៉ុបផ្ដល់ឲ្យកម្ពុជា កាលពីឆ្នាំ២០១២ ។ ហើយក្រោមប្រព័ន្ធអនុគ្រោះពន្ធនេះ កម្ពុជាបានរួចផុត ពីកាតព្វកិច្ចពន្ធ ជិត៧រយលានដុល្លារ ក្នុងមួយឆ្នាំៗសម្រាប់ទំនិញ នាំចេញទៅកាន់ទីផ្សារអឺរ៉ុប ៕ ដោយ៖ កែវ វិទូរ្យ