ព័ត៌មានជាតិ
ក្រសួងមហាផ្ទៃត្រៀមកម្លាំងជាង១ម៉ឺននាក់ សម្រាប់ការពារសន្តិសុខអំឡុងបុណ្យអុំទូក
ភ្នំពេញ៖ អគ្គស្នងការរងនគរបាលជាតិលោក ទូច ណារ៉ុត បានឲ្យដឹង កាលពីព្រឹកថ្ងៃទី១៦ វិច្ឆិកា នេះថា ក្រសួងមហាផ្ទៃ បានត្រៀមកម្លាំង ១៣,០៤៧នាក់ ដើម្បីការពារសន្តិសុខសណ្ដាប់ធ្នាប់ អំឡុងពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ ដែលនឹងប្រព្រឹត្តទៅ នៅថ្ងៃទី២១-២២-២៣ ខែវិច្ឆិកា ឆ្នាំ២០១៨ ខាងមុខ ។
បើតាមលោក ទូច ណារ៉ុត ថា ពិធីបុណ្យអុំទូកឆ្នាំនេះ ធ្វើធំជាងឆ្នាំមុនៗ ។ ហើយកម្លាំងជាង១ម៉ឺននាក់នោះ ត្រូវបានចាត់ចែងទាំងសម្ងាត់ និងចំហ ក្នុងគោលដៅការពារសន្តិសុខ សណ្ដាប់ធ្នាប់ ជូនប្រជាពលរដ្ឋដែលមកកម្សាន្ត ។
យ៉ាងណាក៍ដោយអគ្គស្នងការរងនគរបាលជាតិរួបនេះ ក៍បានអំពាវផងដែរដល់ពលរដ្ឋឲ្យប្រុងប្រយ័ត្ន និងសហការជាមួយសមត្ថកិច្ច ដើម្បីឲ្យព្រះរាជពិធីបុណ្យអុំទូក ប្រព្រឹត្តិទៅប្រកបដោយភាពសប្បាយរីករាយ និងមានសណ្តាប់ធ្នាប់ល្អ ៕ ដោយ៖ សិលាពល
