ព័ត៌មានជាតិ
ចាប់ខ្លួនលោកជំទាវឧកញ៉ាបណ្ឌិតបោកម្នាក់ ករណីចេញសែកស្អុយក្នុងសំណុំរឿងដីធ្លី
សៀមរាប៖ សមត្ថកិច្ចខេត្តសៀមរាប នាថ្ងៃទី០៨វិច្ឆិកា ឆ្នាំ ២០១៨ នេះ បានចាប់ខ្លួនស្ត្រីម្នាក់ដែលគេស្គាល់ថា ជាជំទាវឧកញ៉ាបណ្ឌិត លី អ៊ុំអេង តាមដីការបស់តុលាការខេត្តសៀមរាប ពាក់ព័ន្ធករណីចេញមូលទានបត្រ(សែក) គ្មានសាច់ប្រាក់ ក្នុងជំនួញដីធ្លឺ ។
ការចាប់ខ្លួននេះត្រូវបានធ្វើឡើង តាមដីកាបង្គាប់ឱ្យចាប់ខ្លួនរបស់លោក ងួន ណារ៉ា ប្រធានសាលាដំបូងខេត្តសៀមរាប និងជាចៅក្រមស៊ើបសួរ ចុះកាលបរិច្ឆេទកាលពីថ្ងៃទី២៦ ខែតុលា ឆ្នាំ២០១៨ ក្រោមការចោទប្រកាន់ពីបទ «មិនបំពេញកាតព្វកិច្ចចំពោះឧបករណ៍ដែលអាចជួញដូរបាន» ប្រព្រឹត្តនៅក្រុងសៀមរាប ខេត្តសៀមរាប កាលពីថ្ងៃទី២៥ ខែឧសភា ឆ្នាំ២០១៨។
គួរបញ្ជាក់ថា លោកជំទាវឧកញ៉ាបណ្ឌិត រូបនេះកន្លងទៅធ្លាប់បានបង្កឲ្យមានការផ្ទុះការតវ៉ាជាច្រើនករណី ជាមួយប្រជាពលរដ្ឋម្ចាស់ដីដោយសារតែការប្រើវិធីរំលោភបំពានដែលគេដឹងថា ពេលខ្លះប្រើវិធីបោកបញ្ឆោតតាមរយៈការផ្ដល់សែកស្អុយដូចដែលយើងបានឃើញ ហើយខ្លះទៀតក៍បានរំលោភយកដីតាមរបៀបឆៅៗតែម្ដង ។ ពេលនេះទំនងជាខ្សែកឋាចុះខ្សោយហើយទើបរហូតធ្លាក់រហូតដល់មានការចាប់ខ្លួនដូច្នេះ ៕plk