ព័ត៌មានជាតិ
កប៉ាល់ដឹកទំនិញកុងតឺន័រធ្វើដំណើរតាមសមុទ្រទឹកកកជាលើកដំបូង
នាវាដឹកទំនិញរបស់ប្រទេសដាណឺម៉ាកបានសាកល្បងធ្វើដំណើរតាមផ្លូវទឹកថ្មីពីតំបន់ Vladivostok នៅសប្តាហ៍នេះ ដែលជាកប៉ាល់ដឹកទូរកុងតឺន័រដំបូង ហើយធ្វើដំណើរតាមផ្លូវសមុទ្រទឹកកកអាកទិច (Arctic)ភាគខាងជើងនៃប្រទេសរុស្ស៊ី ។
ក្រុមហ៊ុនVenta Maersk ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Maersk Line នឹងដឹកកុងតឺន័រចំនួន 3600 ទូរធ្វើដំណើរតាមផ្លូវសមុទ្រទឹកកកនេះ ព្រោះវាមានល្បឿនលឿនជាង និង ចំណាយពេលតិចជាងមុនចំនួន១៤ថ្ងៃជាងការធ្វើដំណើរតាមផ្លូវភាគខាងត្បូងតាមច្រក Suez ។
ដោយឡែកលោក Maersk ម្ចាស់ក្រុមហ៊ុនដឹកជញ្ជូនដ៏ធំនេះបានឱ្យដឹងថា ក្រុមហ៊ុនក៏ធ្វើការសិក្សា និង ប្រមូលទិន្នន័យតាមច្រកផ្លូវនេះផងដែរ ពីកម្រិតរលាយទឹកកក និង កំណត់ទីតាំងច្រកផ្លូវសម្រាប់កប៉ាល់ដើម្បីដឹកទំនិញកុងតឺន័របានឆាប់ និង លឿនជាងមុន៕
