ព័ត៌មានជាតិ
សមត្ថកិច្ចបង្ក្រាប និង រឹបអូសគ្រឿងសំអាងក្លែងក្លាយជាង៥តោន ជារបស់ជនជាតិចិន
សមត្ថកិច្ចនគរបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃបានសហការជាមួយមន្ត្រីពាក់ព័ន្ធ បានបើកប្រតិបត្តិការឆែកឆេរទីតាំងផលិត និង កែច្នៃគ្រឿងសំអាងមួយកន្លែង នៅភូមិជ្រៃកោង សង្កាត់ចោមចៅ២ ខណ្ឌពោធិសែនជ័យរាជធានីភ្នំពេញ។ ក្នុងប្រតិបត្តិការបង្ក្រាបនេះ ធ្វើឡើងកាលថ្ងៃទី ២៦ ខែ សីហា ឆ្នាំ ២០១៨ ដោយសមត្ថកិច្ចបានរឹបអូសផលិតផលក្លែងក្លាយទម្ងន់ ៥តោន និង ធ្ចើការឃាត់ខ្លួនបុរសជនជាតិចិនម្នាក់ ។
សមត្ថកិច្ចនគរបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃបានសហការជាមួយមន្ត្រីពាក់ព័ន្ធ បានបើកប្រតិបត្តិការឆែកឆេរទីតាំងផលិត និង កែច្នៃគ្រឿងសំអាងមួយកន្លែង នៅភូមិជ្រៃកោង សង្កាត់ចោមចៅ២ ខណ្ឌពោធិសែនជ័យរាជធានីភ្នំពេញ។ ក្នុងប្រតិបត្តិការបង្ក្រាបនេះ ធ្វើឡើងកាលថ្ងៃទី ២៦ ខែ សីហា ឆ្នាំ ២០១៨ ដោយសមត្ថកិច្ចបានរឹបអូសផលិតផលក្លែងក្លាយទម្ងន់ ៥តោន និង ធ្ចើការឃាត់ខ្លួនបុរសជនជាតិចិនម្នាក់ ។
ឯកឧត្តម ឧត្តមសេនីយ៍ឯក ចាន់ វ៉ានធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃមានប្រសាសន៍ប្រាប់អ្នកសារព័ត៌មានថា ក្រោយពីបានធ្វើការស្រាវជ្រាវស៊ើបអង្កេត កម្លាំងជំនាញនាយកដ្ឋាន បានសហការជាមួយមន្ត្រីក្រសួងសុខាភិបាល ក្រសួងឧស្សាហកម្ម និង អាជ្ញាធរមូល ដ្ឋាន ក្រោមការសម្របសម្រួលនីតិវិធីពីលោក ស្រី ម៉ាក់នី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញបានចុះបង្ក្រាបទីតាំងឃ្លាំង១កន្លែងលេខ៨៧ ផ្លូវវេងស្រេង ភូមិចោមចៅ សង្កាត់ចោមចៅទី២ ខ័ណ្ឌពោធិសែនជ័យ រាជធានីភ្នំពេញ ដែលមានម្ចាស់ទំនិញឈ្មោះលោក Zou ZhiQang ជនជាតិចិន ។ ទីតាំងឃ្លាំងផលិតគ្រឿងសំអាងក្លែងក្លាយនេះ គ្មានច្បាប់អនុញ្ញាតិពីស្ថាប័នពាក់ព័ន្ធ និង ផលិតផលសម្ភារៈ វត្ថុធាតុដើមសម្រាប់ផលិតចំនួន៥តោន ដែលរួមមានសាប៊ូ ឡេ ទឹកអប់ ក្រេម ម្សៅលាបមុខ និង វត្ថុធាតុដើមសំរាប់កែច្នៃមួយចំនួនទៀត ។
ឯកឧត្តម ឧត្តមសេនីយ៍ឯក ចាន់ វ៉ាន់ធឿន បានបញ្ជាក់ផងដែរថា ក្នុងរយៈពេល ប៉ុន្មានឆ្នាំចុងក្រោយនេះ នាយកដ្ឋានប្រឆាំងបទល្មើសសេដ្ឋកិច្ចបានចុះប្រតិបត្តិការដូចភ្លៀងរលឹម ដោយបានចុះឆែកឆេរទីតាំងជាច្រើនកន្លែង ហើយបានធ្វើការឃាត់ខ្លួនម្ចាស់ និង រឹបអូសផលិតផលក្លែងក្លាយបានជាច្រើនយកទៅកំទេចចោល ៕