កម្សាន្ត
គ្រាន់តែឆ្លងថ្ងៃកំណើតភ្លាម លី ច័ន្ទសីហា ប្រកាសមុខជំនួញខ្ទង់សែនដុល្លារភ្លែត !
លី ច័ន្ទសីហា បានឆ្លងថ្ងៃកំណើតរបស់ខ្លួនយ៉ាងសប្បាយរីករាយកាលពីប៉ុន្មានថ្ងៃមុនជាមួយគ្រួសារនិងមិត្តភក្តិ ទោះបីជានាងមិនបានបង្ហាញកាដូពិសេសដែលនាងទទួលបាននៅក្នុងពិសេសនោះក្តី តែនាងបែរបើកសម្ពោធមុខជំនួញរកស៊ីផ្នែកអចលនទ្រព្យដែលមានតម្លៃរាប់សែនដុល្លារធ្វើមិនដឹង ជាពិសេសនាងថែមទាំងបានដាក់ឈ្មោះមុខរបរថ្មីនេះថា « Fendi ដីឡូតិ៍ » ដែលជាឈ្មោះកូនស្រីបណ្តូលចិត្តនាង ។
ចាប់តាំងពីសម្រាលកូនរួច លី ច័ន្ទសីហា នៅពុំទាន់ទទួលបានការងារសិល្បៈអ្វីថ្មីនោះទេ តែនាងនាងបែរជាទៅលេចមុខនៅក្នុងការងាររកស៊ីទៅវិញ ។ លី ច័ន្ទសីហា បានធ្វើពិធីសម្ពោធដីឡូតិ័ពុះលក់ កាលពីពេលថ្មីៗនេះ ក្រោយពីបានផ្សព្វផ្សាយលក់មួយរយៈពេលកន្លងមក មើលទៅនាងពិតជាមានការជឿជាក់លើ មុខរបររកស៊ីថ្មីនេះខ្លាំងណាស់ នាងថែមទាំងសង្ឃឹមថា មុខរបររកស៊ីថ្មីនេះនឹងទទួលបានការគាំទ្រច្រើនដោយសារនាងលក់នៅក្នុងតម្លៃសមរម្យដែលអាចទទួលយកបាន ។
លី ច័ន្ទសីហា បាននិយាយថា ដីឡួតិ៍ដែលនាងប្រកាសលក់គឺមិនមែនជារបស់នាងនិងស្វាមីផ្តាច់មុខនោះទេ គឺមានហ៊ុនបងប្អូនជីដូនមួយនាងចូលរួម ។
ទោះបីជាងាកមុខការងាររកស៊ីក្តី លី ច័ន្ទសីហា នៅពុំទាន់បោះបង់អាជីពសម្តែងដែលខ្លួនស្រឡាញ់ចោលឡើង បើមានគេទាក់ទងហៅនាងថត នាងនៅបន្តអាជីពនេះដូចដើម ៕
