ព័ត៌មានជាតិ
មេឈ្មួញគ្រាក់ៗសម្រុកដឹកទំនិញច្រើនប្រភេទបង់ពន្ធមិនគ្រប់ តាមច្រកព្រំដែនអន្តរជាតិម៉ឺនជ័យយ៉ាងពេញបន្ទុក ទាំងយប់ទាំងថ្ងៃ?
ទំនាក់ទំនងការផ្សាយៈ071 7888 345
ព្រៃវែង ÷ ប្រភពពីមន្ត្រីពាក់ព័ន្ធនៅច្រកព្រំដែនអន្តរជាតិម៉ឺនជ័យ បានឲ្យដឹងទៀតថា លោក គង់ សឺឌី ប្រធានការិយាល័យគយច្រកព្រំដែនម៉ឺនជ័យ និង លោកមេប៉ុស្តិ៍ច្រកព្រំដែនអន្តរជាតិម៉ឺនជ័យ កំពុងសប្បាយចិត្ត ប្រមូលលុយពីក្រុមឈ្មួញធំៗនាំចូលទំនិញពីស្រុកយួន តាមច្រកមុឺនជ័យ។
ប្រភពបានបញ្ជាក់ថា ទំនិញដែលឈ្មួញធំៗនាំចូលតាមច្រកព្រំដែនម៉ឺនជ័យ មានដូចជា បន្លែ ផ្លែឈើ ភភេសជ្ជៈច្រើនប្រភេទ មី គ្រឿងកំប៉ុង ច្រើនមុខ និងសម្ភារៈប្រើប្រាស់ ដូចជាតុ ធុងជ័រ កៅអីជ័រ ពូក និងគ្រឿងសំណង់ ផងដែរ។
ទំនិញដែលឈ្មួញធំៗនាំចូលតាមច្រកព្រំដែនអន្តរជាតិម៉ឺនជ័យ បង់ពន្ធយ៉ាងច្រើនត្រឹម៣៥ទៅ៤០ភាគរយប៉ុណ្ណោះ ហើយក្រៅពីនេះឈ្មួញបែងចែកផលប្រយោជន៍ជាមួយលោក គង់ សឺឌី ប្រធានការិយាល័យគយច្រកព្រំដែនអន្តរជាតិម៉ឺនជ័យ និងសមត្ថកិច្ចពាក់ព័ន្ធ ជាពិសេសគឺ លោក នាយប៉ុស្តិ៍ច្រកព្រំដែនអន្តរជាតិម៉ឺនជ័យផងដែរ។
ប្រភពពីមន្ត្រីនៅ ច្រកព្រំដែនអន្តរជាតិម៉ឺនជ័យ ស្រុកកំចាយមារ ខេត្តព្រៃវែង បានឲ្យដឹងទៀតថា មកដល់ពេលនេះ លោកគង់ សឺឌី ប្រធានការិយាល័យគយច្រកព្រំដែនម៉ឺនជ័យ ឃុបឃិតឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងរលូនដោយគ្មានការត្រួតពិនិត្យឡើយ។
ប្រភពបាន ឲ្យដឹងទៀតថា ការដែលឈ្មួញ ធំៗសម្រុកនាំចូលទំនិញច្រើនប្រភេទ ពីស្រុកយួនតាមច្រកព្រំដែនអន្តរជាតិម៉ឺនជ័យ យ៉ាងពេញបន្ទុក ក៏មានការបើកដៃពីសំណាក់លោក មេប៉ុស្តិ៍ច្រកព្រំដែនម៉ឺនជ័យ ផងដែរ។
ទន្ទឹមនឹងនេះ មេសាខាគយខេត្តព្រៃវែង ទំនងជាអ្នកនៅពីក្រោយបណ្តោយឲ្យ លោកគង់ សឺឌី ប្រធានការិយាល័យគយច្រកព្រំដែនអន្តរជាតិម៉ឺនជ័យ ធ្វើអ្វីៗតាមអំពើចិត្ត មិនខ្វល់ពីការរិះគន់អ្វីទាំងអស់ ពោលគឺគិតតែរឿងផលប្រយោជន៍ផ្ទាល់ខ្លួន។
ប្រភពស្និទ្ធនឹង ប្រធានសាខាគយខេត្តព្រៃវែង បានឲ្យដឹង ថា គឺ លោកគង់ សឺឌី ប្រធានការិយាល័យគយច្រកព្រំដែនម៉ឺនជ័យ កំពុងសម្ងំប្រព្រឹត្តអំពើពុករលួយ យ៉ាងសុខស្រួល តាមរយៈការបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងរលូន។
ដូច្នេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនគួរបណ្តែតបណ្តោយ តទៅទៀតឡើយ ព្រោះលោក មេគយខេត្តព្រៃវែង កំពុងបណ្តោយឲ្យ ប្រធានការិយាល័យគយ ច្រកព្រំដែនអន្តរជាតិ បន្តសាងភាពល្បីល្បាញខាងពុករលួយពេញទំហឹង ដែលជាប្រភពនៃការបាត់បង់ចំណូលថវិកាជាតិ៕
