ព័ត៌មានជាតិ
កាន់មុខដំណែងជាប្រធានមន្ទីររៀបចំដែនដីនគរូបនីយកម្មនិងសំណង់ ៤ ឆ្នាំ លោកប្រាក់ប៉ូលី បណ្តោយឲ្យមានសំណង់ខុសច្បាប់ជាង ៧០០ ទីតាំង
តើទង្វើរបស់លោក ប្រាក់ ប៉ូលី គួរប្រឈមមុខនឹងការអនុវត្តន៍អភិក្រមទី ៥
ទំនាក់ទំនងការផ្សាយ ០៧១ ៧៨៨៨ ៣៤៥
ប្រភពព័ត៌មានពីខេត្តបន្ទាយមានជ័យបានអោយដឹងថា ក្រុមអធិការកិច្ច របស់ក្រសួងរៀបចំដែនដី នគរូបនីយកម្ម និងសំណង់ បានរកឃេីញសំណង់ខុសច្បាប់ចំនួនជាង ៧០០ ទីតាំង ក្នុងទូទាំងខេត្តបន្ទាយមានជ័យ បន្ទាប់ពីលោក ប្រាក់ ប៉ូលី ឡេីងកាន់តំណែងជាប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្តបន្ទាយមានជ័យ នៅឆ្នាំ ២០១៥ រហូតមកដល់បច្ចុប្បន្ន ។
ក្រៅពីរកឃេីញសំណង់ខុសច្បាប់ ក្រុមអធិការកិច្ចនូវបានរកឃេីញចំណុចមិនប្រក្រតីជាច្រេីននៅក្រោមការដឹកនាំរបស់ លោក ប្រាក់ ប៉ូលី ។
ប្រភពព័ត៌មានបានអោយដឹងទៀតថា ថ្នាក់ដឹកនាំជាន់ខ្ពស់របស់ ក្រសួងរៀបចំដែនដី នគរូបនីយកម្ម និងសំណង់ បានចាត់ទុកទង្វេីរបស់លោក ប្រាក់ ប៉ូលី ធ្វេីអោយខូចគោលនយោបាយរបស់រាជរដ្ឋាភិបាល បាត់បង់ចំណូលពន្ធចូលរដ្ឋ និង ធ្វើអោយប្រជាពលរដដ្ឋមានការថ្នាំងថ្នាក់មកលេីរាជរដ្ឋាភិបាលផងដែរ ។ មកដល់ពេលនេះ ក្រុមព័ត៌មាន និង ក្រុម ហ្វេសប៊ុក មួយចំនួន ដែលធ្លាប់លេីកជេីង លោក ប្រាក់ ប៉ូលី លែងហ៊ានងេីបមុខគាំទ្រ លោក ប្រាក់ ប៉ូលី ទៀតហេីយ ។ ចំណែកថ្នាក់លេីខ្លះដែលធ្លាប់គាំទ្រ ប្រាក់ ប៉ូលី ក៏ដកខ្លួនចេញដែរ ។
ប្រភពព័ត៌មានបានអោយដឹងទៀតថា សប្ដាហ៍ក្រោយ ថ្ងៃទី ១៧ ខែ កញ្ញា ឆ្នាំ ២០១៩ ក្រុមអធិការកិច្ច និងបិទបញ្ជីឯកសារគ្រប់បែបយ៉ាងនៃរជ្ជកាលដឹកនាំរបស់ប្រាក់ ប៉ូលី ។ មានន័យថា លោក ប្រាក់ ប៉ូលី អាចនឹងត្រូវដកចេញពី ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្តបន្ទាយមានជ័យ ហេីយជំនួសដោយមន្ត្រីជំនាញមួយរូបពី ក្រសួងរៀបចំដែនដី នគរូបនីយកម្មនិង សំណង់ វិញ ។
គេមិនទាន់ដឹងថា បន្ទាប់ពីដកហូតមុខដំណែងហេីយ អង្គភាពប្រឆាំងអំពើពុករលួយ នឹងស្រាវជ្រាវអំពីទ្រព្យសម្បត្តិរបស់លោក ប្រាក់ ប៉ូលី ឬ យ៉ាងណានោះទេ ។ សូមរង់ចាំតាមដានបន្តទាំងអស់គ្នា !