ព័ត៌មានជាតិ
លក់មុខជាតិ មារយាទថោក! ហ៊ានវះវ៉ាលីសភ្ញៀវទេសចរណ៍បរទេស លួចទ្រព្យសម្បត្តិ
ភ្ញៀវទេសចរណ៍នៅខេត្តសៀមនៅខេត្តសៀមរាបមួយរយះចុងក្រោយនេះមានការធ្លាក់ចុះ ដោយសារតែបញ្ហាមួយចំនួនខាងផ្នែកសេវាសាធារណះរបស់រដ្ឋ និងទាំងសេវាឯងជន មួយចំនួនគិតតែពីផលប្រយោជន៍ផ្ទាល់ខ្លួន បានធ្វើអោយបាត់បង់ចំណូលដ៏ធំធេងដល់ជាតិ។
យោងតាមព័ត៌មានជាបឋម បានឲ្យដឹងថា បុគ្គលិកក្រុមហ៊ុន ខេមបូឌាអ៊ែរផត ០៥នាក់ ត្រូវបានកម្លាំងសមត្ថកិច្ច ការិយាល័យ ព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តសៀមរាប ឃាត់ខ្លួន ពីបទលួច ចាក់ឆ្កឹះកូនសោ ឬរ៉ូតវ៉ាលីយកលុយ និងទ្រព្យសម្បត្តិរបស់ភ្ញៀវ នៅចំណុចក្នុងព្រលានយន្តហោះ ខេត្តសៀមរាប ។
ជនសង្ស័យទាំង៥នាក់ដែលសមត្ថកិច្ចឃាត់ខ្លួនរួមមាន ឈ្មោះ សុខ សុខន ភេទប្រុស អាយុ៤០ឆ្នាំ ឈ្មោះ សុវណ្ណ វីរះ ភេទប្រុស អាយុ៣២ឆ្នាំ ឈ្មោះ រុណ រ៉ា ភេទប្រុស អាយុ៣៧ឆ្នាំ ឈ្មោះ ឌុល សុវណ្ណ ភេទប្រុស អាយុ៣១ឆ្នាំ ឈ្មោះ រិទ្ធ សារៃ ភេទប្រុស អាយុ២៩ឆ្នាំ ជនសង្ស័យទាំង៥គឺជាបុគ្គលិកក្រុមហ៊ុនខេមបូឌាអ៊ែរផត៕