ព័ត៌មានជាតិ
ជនជាតិចិននាំមាសក្លែងក្លាយ៦២ដុំ ចូលស្រុកខ្មែរបោកប្រាស់អ្នកភូមិ ត្រូវប៉ូលិសក្របួចជាប់
នៅវេលាម៉ោង ១០ និង១១នាទីថ្ងៃទី២២ ខែមិថុនា ឆ្នាំ២០១៩ កម្លាំងការិយាល័យបទល្មើសព្រហ្មទណ្ឌ នៃមន្ទីរយុត្តិធម៌ អាវុធហត្ថខេត្តកំពត សហការជាមួយនិងមូលដ្ឋានកងរាជអាវុធហត្ថក្រុងកំពត បានធ្វើការឃាត់ខ្លួនជនសង្ស័យជាជនជាតិចិន ចំនួន៣នាក់ ដូចមានឈ្មោះខាងក្រោម៖
១- ឈ្មោះ ជុង ហាយមីង ភេទប្រុស អាយុ ៥៣ឆ្នាំ ជនជាតិចិន មុខរបរមិនពិតប្រាកដ ២-ឈ្មោះ ជិន ហាយមីង ភេទប្រុស អាយុ៥២ឆ្នាំ ជនជាតិចិន មុខរបរមិនពិតប្រាកដ ៣-អ៊ូ ឡីតុង ភេទប្រុស អាយុ៤៩ឆ្នាំ ជនជាតិចិន មុខរបរមិនពិតប្រាកដ នៅចំណុច ភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
ជនសង្ស័យទាំង ៣នាក់បានធ្វើសកម្មភាពឆបោក ដោយយកមាសក្លែងក្លាយ មកបន្លំទៅលក់ឲ្យជនរងគ្រោះ ឈ្មោះ តាំង ងីម ភេទស្រី អាយុ៧៨ឆ្នាំ មុខរបរនៅផ្ទះ ទីលំនៅបច្ចុប្បន្ន ភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត កាលពីវេលាម៉ោង ១០និង១១នាទី ថ្ងៃទី២២ ខែមិថុនា ឆ្នាំ២០១៩។
វត្ថុតាងចាប់យករួមមាន ដុំមាសក្លែងក្លាយ ចំនួន៦២ដុំ ( រូបតាមីឡឹចំនួន៣, មាសស្នូក ចំនួន៥៨ដុំ) ទូរស័ព្ទដៃ៣គ្រឿង លិខិតឆ្លងដែនចំនួន០១ ផ្លែរណាចំនួន០១ ម្សៅពណ៌ស០១កញ្ចប់ បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញកំពុងចាត់ការតាមនីតិវិធី៕